Målpris til Daniel Kvammen

Artist Daniel Kvammen frå Geilo er den Buskerud mållag har funne ut fortener målprisen for 2015

-Daniel Kvammen frå Geilo utmerkar seg med personleg prega halling i tekstene sine, og når fram til eit stort, nasjonalt publikum. Han brukar i tillegg nynorsk som skriftmål, og er med det også ein god og viktig ambassadør for ei målform og ein kulturarv under stort press. Sett i lys av dette er det er sjølvsagt ekstra hyggeleg at målmannen og musikaren Kvammen har så mange unge lyttarar, seier Heidi Molstad Andresen frå Hått Halling, som delte ut prisen på vegne av Buskerud Mållag.